Berśencar palal maśkar ki Romani khedin ačhola i ponodorig i tradicija taro muzička balija, khoni olendar vakerla so si fino, aso avera pa vakerena na, numa sar tej sakova bers akava momenti kerlapes bersh palo bersh ko po učho nivelo.
Akavada 2024 bersh achavela beani maskar e Roma śtar muzicka zabave(balija) barem akalenge save ikerenapes ki Makedonija,kaske so kerlapes lafi maskar ko Roma sakova momenti.
Bash o SRM tradicija tano taro pobuter 40 bersa thaj nakhela telal i organizacija tari Romani partija SRM taro ćirutno presidenti(Akana mulo)Amdi Bajram. Akana akaja tradicija ikherelala o akanutno Presidenti Gabriel Bajram.
Ano akava ball savo trubuj te ikergovel ko 18 Januari, maskar pobut romane cerenja maj but kerlapes lafi bash o avibe tari Srbijaki čeren Ceca Raznatovič, savi avgo fori lela than ko asavke zabave,pallo odova i Tea Tairovik, Muharem Serbezovski,Čita thaj panda but avera.
Proceninelapes salde bash o muzicka bare anava so lena than pukinenapes taro 70 dji 100 milja evra bash olengoro lejbe than ko Romano svetsko bal.
Dujto,i partija ROM thaj olakoro Presidenti Erďan Selimi,muzicko ball savo ikersalilo ano 13-Januari ko Hotel Aleksandar palace thaj nakhla ko sukar nivelo. Ko akava muzicko ball sa misafirija srbijake cerenja, romane cerenja Bernat, Ervin,
Djefrina,Tarkan,Nikola Ajdinovic,Djambo sar maj baro beani mukhla ano akava muzicko spektakli o giljavipe taro Djemail Gashi.
Trinto, kerlapes lafi panda jekhe muzicko baleske savo ikersalilo tari partija DSR thaj o Presidenti Saban Saliu, prekal amare informacie bash akava ball na bikisalile karte khuvibnaske, numa bash akaja zabava kerdili bash o pashe djene e partijake, misafirija, sorabotnikija thaj slicno.
Akava muzicko spektakli ikersalilo ko Hotel Kontinental ano 14- Januari.
Starto muzicko balli savo jekajek tradicija bersencar palal organizirinelapes ani dis Kumanovo, telal organizacija taro pindarutno aktivisti thaj organizatori pobuter nastanenge Samet Salievski.
Akava ball ka ikergovel avdive 15- Januari, ka len than muzicka cerenja tari Srbija sar thaj o pendarutne amare Makedonijake gilavutne o Tarkani,Ervini,Djefrina thaj i Jelena Markovik tari Srbija thaj panda but avera.
Numa,sar tej khoni ka vakerel akala tani politikane sikavibe takati(sila) mok,E Roma na gndinena agaar savorende lena than thaj nakavena peseske pumari rakh ano muzikano thaj veselno momenti.
Pali o muzicka spektaklija majbut kerlapesi lafi bash sa odova sar nakhle, koj sine majsukar uravdo,savo peaci gilavga maj sukar, koj maj but khelga thaj hari maskar peseste odova amaro pendarutno alaś vereś.
Ano agor djakerelapes o dive 18- Januari,dive pal kaste maj but kerena lafi e Roma tari Makedonija, Balkan thaj Evropa.
O Svetsko balli akale berśeske ka achol ki godi sa adalenge save ka oven kotor taro akava khedipe, sostar akala gilavutne nasti sakana dikhenapes thaj śunenapes ano jekh than,.
Ka adjikera dji berśe savo aver atraktivno momenti ka resarel maśkar ko Roma,te ulem saste veste.
Hazri kerga:Roma Press-tumaro veb portali
