O Sovet anga odluka te delpes love baš o honorarno angazirime bukarne ani Komuna Suto Orizari..

688

O Presidenti tar Sovet e Komunako Śuto Orizari Sead Ismail anglal nekobor dakikija prekal poro fb live informiringa sa e dizutnen baš o avime aktivitetija soveteske.

Avdive ani sala e soveteski kedingapes i agaar anavkerdi komisija baś urbanizam thaj finansie lingardi tar sovetnikoja đjakerge te delpes olenge spisako tar bukarne komunakere dogovorcija savenge trebela te mukenpes plate, sar so vakerga o Seadi na delapes olenge sebepeja so kanoneja si zagarintirme o licna podatokoja sekole manušeske.

Numa i komisija thaj o sovetnikoja ange palem paluno lafi prekal odova so rodinga o Šerutno Kurto Duduš te delpes plata e vrabotimenge save tane ano dogovor na delo prema o dendo spisako administracijako, numa adava paluno lafi ka nakhel ani avutni sednica soveteski.

Ano jek o Sead informiringa vi bas o paluno lafi so angepes te denpes e love baš OIK(opstinska izborna komisija), save love pal odova valani te ulavelpes đji sa e alosaribnaske odborija save preperela olenge sar honorari baš olengi buti ko vakti tar ikheripe e palune lokalnikane alosaribe 2021 berš ano Śuto Orizari.

Sar so havlarga o Presidenti Sovetesko Sead I. angapes paluno lafi i nevi sednica te ikergovel ano 09.02.2022(sreda)ko 11 o ari.
Sednica soveteski ka ikergovel ani sala e Komunake Šuto Orizari, numa angleder vakergapes ki akaja sednica ka anelpes paluno lafi (odluka) retroaktivno te mukenpes plate samo e vrabotimenge dogovor na delo phanle e masekoja Januari 2022 berś.

Hazri kerga:Roma Press