Akala dive aktivno dujrarenapes o pobare deponie thari komuna Šuto Orizari, savi buti đjala but phare e bukarnenge tharo komunalnikano sektori e Komunako, aktivno iklovena ko anglalipa pali e đihanengoro vakeripe so našti dišhinelapes taro na šukar suluko save tano resardo ki komuna Šuto Orizari.
Pali o šunde thaj đande resarina khi dis Skopje panda legarela o numero taro na šukar sulukoja dišhibnaske. Amen sine amen telefonsko lafi keripe e vastalunensar tari komuna Šuto Orizari, denge amen info đjanidor i sasti resarin e dizjaja Skopje savi araklagovela i ponodorig na šukar sulukoja, Amen keraja sa te šaj te dujrara o gunoja taro pašipe e Šutkaja, numa tumen đjanena so akava problemi nane tikno thaj amen našti khanči keraja diso pobuter taro akava so keraja, svako dive lenapes o gunoja, na mukaja ko pašipe pobutere ki šutka te oven bare deponije, numa rodaja hem arka tumendar sar medie hem taro đihanija te khera sa, te vazda o gogaveripe taro đihanija te šhaj sarine te araka o pakluko ki Šutka.
Amen pali akanutno rodibe thaj vazdipe o informacije kaj na dišinelapes ki Šutka, kergem kontaktija e pašutne komunaja Butel thaj vi amen i komuna Šuto Orizari akhe trin dive aktivno kerelapes buti ki Pretovarna, savi araklagovela ko upruno kotor tari Šutka, vakerena bašhi Roma Press.
Vi tumen dikhena bare mehanizacijensar thaj bari buti kerelapes pakjaja ka resarelpes đji šukar rezultatija, vakerena vastalutne thari komuna Šuto Orizari.
Amen sar redakcija amaro apeli bičalaja thaj đji ko dizutne te arakenpes hari taro deponie, ko kinibe thaj tharibe so ka arakhen, e dizutne ko jekh vakerena baši ulavde Roma save kerena buti plastikaja thaj bakreja te araken amaro suluko soske čačibnaske maj butnasvalovena e tikore čhave, bicjalibnaja mesažo đji e komunakere inspektorija te kheren pumari buti thaj reakcie đji manuša save kherena buti, aso pire bukjaja pandena o normalnikano suluko ki Šutka.
Hazri kerga:Roma Press
