Avdive ko 17:30 o ari, ko aver fori ko dikhibe thaj puterdi tribina e dizutnensar tharo Šuto Orizari dikhlapes o Premieri thar Republika Utarali Makedonija o rajo Zoran Zaev.
Anglal ko khedime dizutne panda jek fori denga poro lafi baši sa e puterde proektoja save valani te kherenpes telal o vast e Rađjako, numa thaj sa e proektoja save thane lačharibaske ko buti kjeriba e komunaja Šuto Orizari thaj lakere šerutneja Kurto Duduš, kaste pakjala o Premieri palo alosaribe te tavden e proektoja telo o vastalipe e komunako Šuto Orizari.
O rajo Zoran Zaev vakerga bašh lačharipe e pobuter tharo 20 droma khi komuna,O bajrovipe e platakoro ko 500 eurija thaj bajrovibe i socijalnikani arka akala sine o trin šerutne anavkerde teme lafi keribnaske numa thaj o jekhajekipe e Romengoro ki Utarali Makedonija.
Sar kherutno đjakerga e Premere Zoran Zaev o Šerutno e komunako o rajo Kurto D. E duj Romane bičalde thar Sobranie thar Utarali Makedonja, Samka Ibraimovski, Amdi Bajram,o Ministeri Muzafer Bajram thaj e liderija thar Romane partie save thane ki koalicija e rađjake SDSM.
Pobuter dikhen ko video..
Hazri kerga:Neđmedin A-Roma Press
