28 dive thar o čhon Aprilo, telal vastakeripe e Šerutneskoro thar komuna Šuto Orizari Kurto D. akharga ko dikhipe pobuter dizutnen ko Mevče Palas, mangipnaja te ovelen direktno dikhipe numa thaj pučipe so von mangena odova te pučen ole.
O Avibe e dizutnengoro sine but baro, numa sine olen thaj šukar diskusija odolestar so ko nekobor fori pučle e Šerutno Kurto D, bašh sa odova so dukhala e dizutnen sar šarti đjivdipnaskoro.
Ko nekobor fori potencirime sine e droma thaj o rošalipe pe droma, soobrakaj ko šerutne droma thaj panda but avera bukja.
O Kurto D. denga olen lafi thaj sikavga olenge phanlo lafi maškar ki rađji Republika Utarali Makedonija thaj i Komuna Šuto Orizari pali presidentska Alosaribe, ka kerenpes pobuter thar 25 droma barabar kanalizacijake thaj pajneskere mrežaja.
Maškar ko sa o lafi keriba savo ikerga pobuter thar duj arija, o rajo Kurto D. kerga lafi thaj baši aktuleno dujto rota e Alosaribnaske bašh Presidenti ki them Utarali Makedonija.
Soske? si importatno e Roma te den poro hango bašh o kandidati thar SDSM-Stevo Pendarovski thaj, save sa šukar resarina đjakerenapes te oven resle e Romenge thar i Komuna Šuto Orizari, Vakerga anglal o dizutne o Kurto D.
Ko lafi keribe bašh o Roma Press o rajo Kurto D. vakerga, e Roma akaja dujto rota thar Alosaribe ka den poro hango baši amaro kandidati odoleja so pire hangoja ka den dumo direktno pere komunake odoleja so ka tavda realiziribe amare programska proektija save phanlem amaro lafi e aktuelno Rađjaja, me pakava ko Roma so piri phuv Makedonija mangena ole te dikhenola sar đjeni ko NATO thaj EU.
Hazri kerga:Neđmedin A.-Roma Press
