GermanijakI organizacija HELP thaj i LIGA ROMA ulaven humanitarno ažutipe, arka baš o jerije save đjakerena asavko dejbe dumo ano akala phare jevendeskere momentoja. 500 Romane familije tari sasti Srbija ka len kašta bašo ivend.
2000 Romane familije ka len humanitarna paketija, 200 čhavore save džan ani škola panle e aktuelno Kovideja 19 thaj i epidemija savi astarela sasti Evropa olenge ka hulavenpes elektronska tabletija, thaj 1000 chavore ka len školsko pribor thaj o tašne baši škola.
O Ažutipe thar akava dejbe dumo džal ko 20 thana ki Srbija thaj o thavdipe e dejbe dumoske ka ovel ikherdo tari Subotica dži Bujanovca.
Hazri Kerga: Neđmedin A- Roma Press
