o Roma tari trizla leduime taro šudripa O binichalo, o duj arengoro issiba e so kompliciringja e Romengoro sekolediveskoro dzivdipa ko akala evendaskere šartija ko minusno temperature,anglederangja thaj baro numeroskoro defektija ko olengere kherutne aparatija.
O revolti thaj i gajla ko Roma tari Prilepeskiri kupatni Trizla ovela panda pobaro sebepi so olengere chave panda hari vakti kamlape te šurakeren ko dujto kotor taro siklanakoro vakti.
Taro EVN, chudena akala došalkerina pestar, ikalibajape ko bibangipa kaj i asavki chipota avela sebepi o choriba e elektrikane energijakoro kova so sikavelape ki akaja kupatni.
Vakerelape, i prilepeskiri kupatni kote so dzivdinena o Roma Trizla, ko anglederalosaribaskoro vakti sine jek tari i hembuteksploatirimi kupatni tari rig e akanaskere legaribaskoro kana kerelape lafi basho o halojbe e bare numeroskere problemengoro kolencar so arakhenape o dizute Roma, maškar kolende si thaj o kvalitetno avipa dzi ki elektrikani energija.
