Sebepi sumnalesko dive e romane chibjake, ani Kroacija katar 3 dzi 5 novembro, ikergja pe kedipe ki tema milja bersha romengere migracije. Ko kedipe lele than romane longvistija o Marsel Kurtijade, Gjorgje Sarau, i profesorka katar Indija Shashi Bala, o Deputati Samka ibraimovski thaj romane aktivistija.
Akava bers nishankerena pe 10 bers sar so stembilingja pe o romano lavzako katar deputato ko kroacijako Sabori Veljko Kajtazi.
O oficijalno nishankeribe ikergja pe ko 5 novembro ani Kroacijaki akademija bas dzanipe thaj vigjani. Ko utsavalipe lele than funkcionerija katar kroacijako politikano dzivdipe, romane biradzakere organizacije thaj prezententija katar diplomatijakete korestar.
Dende si duj pursakoja Feren Stojka bas resarina ko butikeribe ko romane puciba e aktiviteske Orhan Galjus thaj Santino Spineli.
Ko muzikako kotor lele than i muzikani kupa Alexian grup telo sherutnipe katar profesori Santino Spineli Alexsijan.
Ki Makedonija o utsavalipe bashi 5 noemvri dive e romane chibjakoro ka utsavalinelpe ko gavaermento ko 09 noemvri 2018 bersh
