Jonus Destanovik uspešno bokseri savo prezentirinela piro klubi thaj e Romen

998
Jonus-Destanovik

Romano čavo savo iklovela taro Šuto Orizari aso uspešno sporteskkri kariera resarela ki Germanija.

Sar potikoro leskiri uže familija Dat thaj Daj našena tari Makedonija pali pošukar đivdipe peske thaj pere čavenge, tadani o Jonuz akate bajrovela thaj pire sporteskoro bajraripe bajrakerela ko profesionalno nivo. Jonuz Destanovik tano penđardo Romano kickboxing ki Germanija thaj đji akana isile 35 dobime maribna, 4 našavde thaj 2 narešime.

Jonuz Destanovik tano anavkerdo sar Evropako majsta, thaj đji akana šukar arakelapes ko ringo thaj đjanela šukar te ikerel piri kondicija. Ko telefonsko lafi keriba e Jonuzeja informirinela ko romapres thaj buvle sa e Romen, akala terminija tane leskere baši relahs (odmor) numa, ov nakavelalen ko trening thaj šukar kondicija.

Sa e Romen ko Sumnal akarela te ikerel leske mangin akale beršeske havlarela, ka anel panda jek bari pursak (nagrada ) beršeskiri. Roma press mangaja leske sukcesi thaj lachi ikerin ko sa e ringoja savende ka lel than thaj sakana ko piro ilo te ikerel e Romen.