Avdive ko khedibe e R.Makedonijakoro ki inicijstiva taro Romano Deputati ko khediba o rajo Samka Ibraimovski ikergjape bukjarno konsili kote so organizitingjape Interparlamentarno kupa basho dejbe ikerin basho nijamija e Romengere ki R.Makedonija.
Ki akaja interparlamentarno kupa lele than pobuter deputatija taro hemime nacionalitetija kola so dikhlargje i predlog deklaracija basho keriba poshukar nijamija e Romengere ki amari them koja so predlog deklaracija sine hramomi ko avgo bukjarno sostanok isto agar inicirimo taro deputati Samka Ibraimovski.
I zarurin taro keriba e deklaracijakoro iklili taro spremal o deputati o dziakanaskoro na sakosa inmplementiriba e napengpro basho ppshukar dzivdipa e Romengoro kola so ikljovena taro urediba e Romane dzivdipaskoro ki them, i strategija e Romengiri, i Dekada e Romengiri thaj agar naodori.
Anglo o Deputatija sar kotor tari avdisutni interparlamentarno kupa arakhlili i predlog deklaracija kolate so arakhlovena o problemija e Romengere sar so si i nashukar edukacija, diskriminacija, nashukar sastipa, bizodiskriminacujakoro bukjardarnipa, segregacija thaj agar naodori, a isto agar ki deklaracija si chivde thaj o napija sar te poshukar kerelpe o statusi e Romengoro ki them chivde ko 6 nukte.
I dekllaracija ka ovel chivdi ki sluzbeno patrin e themakiri, a pali i dikhlarin upral late tari rig e interparlamentarno kupakiri, dzikote isi disave nishanikerina thaj dzipherdina, i deklaracija ka ovel dendi dzi ko Khediba ee R.Makedonijakoro, a bashi lake ka ovel informirimo thaj o prezidenti e Evtopakere konsileskoro.
Hazri kerga: Erdjan M.-Roma Press
