Akava kurko kerlapes panda jekh Humanitarnikani akcija khi Makedonija, numa o tavdipe e akcijake kerlapes thar i komuna Šuto Orizari.
Sebepi bašh o Amin Sadik 23 divengoro pal oleskkro bijandipe, isile problemi e andrune organensar kaske valani sig te kerelpes medicinaki intervencija tghaj odova ki Sistina.
Numa o jeri Sadik thane nane khi buti thaj đjivdinena jekhe socijalnikane dumoja savo delapes olenge thar Raštarkiri institucija MTSP, thaj diso ola so kerena buti bare pharipnaja nakhena dive pal dive.
akale Hospitaleskere intervencijake valani valani love diso pohari thar 9.000 milja eura, savendar 4.000 milja preperena thar o fondi e sastipnaskoro, aso o avera love valani akava jeri te pukinen ki smetka tari Sistina te mangle olengoro čhavo te bajrovel sar sa e averengoro, sostar poro izmeti e hajbnaskkro akna ikalelale kesaja avrik thar o andrune teloskere organija.
Odoleske amen sar timi Roma Press thaj o jeri Sadim bičhalaja bare amaro apeli đji sa e manuša save thane lovengere stranaja pošukar te kera savore dumo te šaj panda jek fori te nakhelpes ko šukar e hospitaleskkri intervencija tumare lovengere dumoja.
adala so nane ko šajdipe direktno te den o love e familijake, ake daja tumen žiro smetka šaj odova pukinena direktno e dajake ko anav ki smetka Ajrija Sadik- Stopanska Banka numero : 200002935158106- Thar akaja smetka tumaro dumo direktno đjala bašho o čhavo Amin Sadik
Dikhen o video
Hazri kerga: Neđmedin A.- Roma Press
