Avdive kušlukoskoro agorkergapes o kongresi ano SDSM thaj aniba o paluno lafi tar lista koj e manušsa save kuvena ani trka parlamentareski ko avutne Alosariba save ikergovena ano 12 Aprilo.
Sar so vakerena naoficijalno informacie tar amare konjakija save resarge đi ano Roma Press, ani trka tar Romane pretstavnikoja tar SDSM sas mangin te kuven tar đuvla i Ljatifa Šikovska,Fatima Osmanovska thaj o Ferat Asan.
Tar politikane Romane partie save thane ani koalicija SDSM o Samka Ibraimovski thaj o Amdi Bajram.
Numa sar so šaj te halova tar na oficijalna informacie dengapes paluno lafi te kuven sar deputatija ani lista tar SDSM, Ani dujto alusaribaskiri jekin ko 5 than i Ljatifa S. Aso 11 pozicija ano dujto alosaribaski jekin o Ferat Asan sar pretstavniko tar komunaki organizacija SDSM.
Ačhovela maškar i trinto alosaribaskiri jekin(izborna edinica) trin bešela dobitno than e koalicijake tar Romane partie than na oficijalno vakerlapes siguritetno than e điakanutne bičaldeske Samka Ibraimovski.
Aso o rajo Amdi Bajram nane đjando garavelapes li bas disavi alosaribaskiri dobitno jekin.
Naoficijalno bajrona o pozitivno thaj negativno gndipe ano socijalna mreze tar čhale thaj bičhale simpatizerija tar SDSM.
Ano VMRO DPMNE đjakerelapes te vakeren ani pumari bešin baš pumare liste pratenikonge- bičaldenge thaj panda o lafija lingarelapes maškar e manusenge save ikerena e komunako komiteti o Erdan Demir thaj o Erđan Selimi, numa isi naoficijalno informacie so kamla te kuvel ani lista bičaldengi thaj o Šaban S.
Ačovena avrik tar so duj politikane bare naromane partie SDSM thaj VMRO kasa ka đjal i nevi partija NPR- Gege Demirovski thaj o PDPR Aksel Ahmedovski.
Akalaj tane salde akanasaske na oficijalna informacie save resarge đi o timi tar Roma Press.
