29-Bokserengiri čipota baši jekto than ki Makedonija 2018 berš

652

Bokserengoro Klubi,,Kumanovo,, ko purano kurko organiyiringa  o 29-to kolo taro Prvenstvo e Makedonijako  bašo 2018 berš.Ki akaja  sportikani čipota lele than sa e bokserengere klubija tari Makedonija, maškar olende sas thaj o jekutno Romengoro klubi ,,Ternipe“ tari komuna Šuto Orizari.Numa  i konkurencija sas ko jek baro nivo, čačibnaske ko akava than margepes e najšukar bokserija tari Makedonija.

 

Bokserengoro klubi ternipe denge pestar sa te šaj te resaren đji o jekto than numa bibaheske dova sas phareste  te resarelpes, thaj odoleske ola irangepes ki Šutka srebrenikane pursakoja (nagrada).  BK ,,Ternipe“ lele than o Danieli, thaj o Sinan Đeladin.

 

Ki akaja čipota sar jekto Romano šerutno tari komuna Šuto Orizari Kurto Dudus-Kuco sasale šajdipe te del i jekto  pursak boksereske taro klubi ,,Škupi“o Jasin Lama, savo thano jekhajek divdipnaja taro Suto Orizari.

Sinan Đeladin savo avela e srebrenikane pursakoja (nagrada) ko piro fb-profili vakerga: Avdie sine mange posebno drago te ovav prisutno ko akava prekrasno boksersko nastan ko 29-to drzavno prvenstvo tari Makedonija.

Đjanava kaj i Šutka  ađjikerga mandar o jekto than, numa odova na resargum soske tani miri doš(krivica) baši o na intezivnikane treningoro thaj kondicija, ama odoleske dava mo lafi anglal sa e Roma tari Šutka harne vakteske iranava o jekto than e Romenge ko vasta, vakerela o Sinan Đeladin ko piro fb profili.