Vicepremierka thaj ministeri bašh arakhipe Radmila Šekerinska, ministeri baš sastipe Venko Filipče thaj o Šerutno tar dis Skopje Petre Šilegov erati barabar sas ani vizita te dikhen sar tani agorkerdo o mobilno hospitali savo si thanaribe ano raśtrakoro hospitali. Mobilno hospitali tano thanarimo sebepeja te ovel hazri te bajrovela o numero tar nasvale manuša tar Covid 19 te ovel than saveste šhaj bar interventno te delpes o jekto sastipnasko dumo.
Вицепремиерката и министерка за одбрана, Радмила Шекеринска и министерот за здравство, Венко Филипче, заедно со градоначалникот на Град Скопје, Петре Шилегов вчера извршија обиколка на мобилната болница при што го изразија задоволството од ефикасната соработка на институциите.
„Инженерските единици на Армијата, но и тимот во Воено медицинскиот центар на Армијата, покажаа дека се тука кога треба, и веднаш се мобилизираа и обезбедија квалитетен резултат. Тука не запира ангажманот. Како што гледате сега почнува целосното опремување на оваа мобилна болница. Ние се надеваме дека нема да мора да се користат сите капацитети, меѓутоа мора да се обезбедат дополнителни капацитети и тоа најдобро како што е сега во кругот на клиничкиот центар. Оваа варијанта да имате сѐ во непосредна близина на инфективната клиника навистина е квалитетно, добро и ефикасно решение“, рече министерката за одбрана Радмила Шекеринска.
Министерот за здравство доц. д-р Венко Филипче изрази благодарност до вицепремиерката и министерка за одбрана, Радмила Шекеринска и градоначалникот на градот Скопје Петре Шилегов за експресното расчистување на просторот и поставување на мобилната подвижна болница до Клиниката за инфективни болести и фебрилни состојби.
„Ова беше место каде со години стоеја напуштените бараки на студентскиот дом „Медицинар“. Се расчисти плацот и се обезбеди место, каде што се постави оваа мобилна болница, која ќе има капацитет од 130 кревети. Практично дуплирајќи го капацитетот на Инфективната клиника. Целосната инсталација и ставањето во функција ќе биде во текот на следната недела. Искрено се надеваме дека нема да биде потребна, сега засега, зашто нешто над 50 проценти е пополнет капацитетот на самата клиника. Верувам дека ќе имаме крива на прием на нови пациенти која што ќе биде практично амортизирана од клиниката“, потенцираше министерот Филипче.
Roma Press- lendo tar:www.koronavirus.gov.mk
