Avdive 13.12.2020 berś Formirimi tani i nevi Evropsko Unija anavkerdo ,,Jekhipe”.
Duj dive virtualno(online) konferencija savate lena than pobuter tar 50 manuśa thaj pretstavnikoja tar balkaneske phuvja tar ćirutni Jugoslavija, numa thaj đene Roma save đjivdinena ani Dijaspora( Evropa).
Ano avdisutno dive dengapes hango te birinenpes:Presidenti, duj telal Presidentoja , Generalno Sekretari, Blagajniko, Duj potpisnikoja uzal o blagajniko, thaj jek sovetniko presidentesko.
Ano jek avdive formiringepes thaj biringepes 12 komisije ani Unija.
Ano javno prezentiripe e saste online konferencijako buteder hangoncar birime tane e manuśa baš đjene sar legarutne e Unijako Jekhipe:
– Sovetniko Presidentesko o Miloš Mihajlovič(Srbija).
– Duj potpisnikoja tar blagajniko
Jekhto o Fatmir Kurteši (Belgija)
Dujto o Turkan Bajramovik(Francija)
– Blagajniko o Emrah Haziri (Macedonia)
– Sekretari o Sali Demir (Belgija S.Mecedonia)
– Jekto telalpresidenti Florijan Arifi(Srbija)
– Dujto telalpresidenti Neđat Mehmed(Macedonia)
– Presidenti ani Unija Jekhipe tano anavkerdo e bute beršengo aktivisti o rajo Imer Kajtazi (Belgija).
Moderatori ani duje divesengi online konferencija o rajo Gjuner A.(Belgija,Macedoni)
Ano naj demokratikano ćhane avdisutno dive kuvela ano temelipe panda jeke Romane Unijako tar Evropa Jekhipe, savate e Roma dikhena baro sukcesi thaj đajbe angle..
Roma Press mangaja lokhi thaj śukar buti e saste timeske tar Unija Jekhipe thak but rezultatoja.
Hazri kerga:Roma Press
