Birađaki organizacija Barikanipe ikerga obuka-seminari ani tema „Diskriminacia thaj genocid upro Roma ko Dujto sumnaleskiri mariba“.
O Seminari ikergapes taro 24 dži 26 juni ani dis Struga,numa akava aktiviteti lingarelapes sar dujto fori telal programesko buthi ani tema „Diskriminacia thaj genocid upro Roma ko Dujto Sumnaleskori mariba“ koleste lele than paše dži 20 terne participantia.
O seminari si kotor taro proekti „Ana ole” O avazi taro nekanutnipe, akanutnipe thaj avutnipe“ o programsko aktiviteti finansijako dumo dela olen i Fondacia EVZ tari Germania.
Ko seminari o participantia siklile majbut bašo terminia phanle e holokaustea upro Roma ko dujto sumnaleskori mariba, o sebepia bašo kerdo genocid, sar thaj bašo džungalipa so sine kerde upro Roma.
Numa nevipena so e khedime terne save lende than ano akava sikhlovipe sine olen śhajipa kotor taro seminari te sikloven bašo mobilnikano žurnalizmo kote so o participantia istamalkerindor pe mobilno telefonia kergje videoja kote so vakerde so džanena bašo holokausti upro Roma thaj dengje mesaži sar akaja čhipota nikana palem ma te ovel.
Hazri kerga:Neđmedin A.Erđan M.- Roma Press
