Na oficijalno tar tereni tar kolege taro Roma Press save panda araklagovena ano tharde 5 khera ani Komuna Šuto Orizari ko teluno kotor tar Brsjačka Buna duz fudbalesko tereni thaj agaar anavkerde khera ano teluno kotor e komunako.
Sar so vakerena amare jektka informacie o jagalipe e kherengo astardilo pali 13:oo ari thaj sasto jagalipe buclilo sig thaj astardile pobuter khera.
Ani akaja bi bah isi bari kontrola tar policijake bukarne thaj ekipe tar munal jagalipnaske službe thaj prekerena buti te halon o sebepi akale jagalipnaske sostar isi palunipe tar duj čhavore mule bersensar jek berš thaj 6 čhona aso o dujto duj berš thaj 6 čhona, aso panda duj sas legarde sig ano hospitali tar astarde jagalipnaja.
Akala tane o jekta naoficinalna informacie tar kolege Roma Press save araklagovena ano than e bilačipnaske te sine šajipe harne vakteske ka ovel tumen thaj video insertoja..
O sebepi tar akava baro jagalipe pobuble info ka den e Policijako vahtavi.
ROMA PRESS- Neđmedin A. Erđan M.
