Deputati Samka Ibraimovski e maj čorole čhavorenge ulavga tikno siklovibaske pomaškarutne lila

908

O Deputati Samka Ibraimovski barabar e odboreja Baraki tar komuna Šuto Orizari erati ulavge e čhorole čhavorenge  tetratke thaj tikoro pribori baš olengoro pomaškaripe te del olen dumo ko đajbe thaj ponodorutno sikhlovipe ano  siklane.

O sast humano aktiviteti nakhla ano Barake, taneste saveste araklagovena jek pobaro numero thaj Romane familie save đjivdinena socijalnikane arkaja thaj nane ko šukar finansijako ikkheripe.

Samka Ibraimovski vakerga amenge, akava nane te ačhol salde ano asavko dejbe dumo, amen but sig ka da đji tumende informacie kana ka ulava asavke pomaškarutne priborija e čhavorenge thaj olengere sikhlojbaske ani Fundavni sikhlovni Prajla Ramiz thaj Hamid, tahj odova ulavipe ka resarel sakone čhavoreske so avela thaj siklovena ani akaja sikhlovni, vakerga o Samka I.

E Dizutne e komunake čale tane tar akala aktivitetija odoleja so vakerlapes  valani te tavden asavke aktivitetija pobuter manušendar soske čačibnaske amen sijem bi bukako thaj đjivdinaja ano čorolikano hali thaj nane amen šarti sar amen te kina e čhavorenge odova so trubul olenge ano Sikhlovne.

Hazri kerga: Neđmedin A-Roma Press