Avdive ko thana e komunakere Šuto Orizari, i birađzakiri organizacija IRIZ organiziringja agorutni čipota baš o proekti ” Khediba stredstvija bašho ikeriba ko pire e parapravno kancalirajkoro”.
Ki akaja manifrstacija lafi kergje o Rajo Amet Jashar – Prezidenti ano IRIZ, i rajni Melisa Memish – fascilitatori ko IRIZ, o rajo Fadil Dzemaili Koordinatori ko IRIZ, thaj i rajni Fatima Osmanovska- Prezidenti ko Konsili e Komunakoro Šuto Orizari sar aso misafiri ano avdisutni čipota lela than thaj i rajni Hristina Dimchevska – Sikavutni tari Fondacija Pravdo Sasuitnipa Makedonija.
Ki agorutni čipota kergjape lafi bašo o čane thaj o legariba e khedime strestvongoro sar kotor taro proekti, lafi ki tema
“Socijalno otchetnost thaj nijamutno zojrakeriba e dizutnegoro ki komuna Shuto Orizari” sar thaj lafi telal ki tema ” Incijativa baš o institucionaliziriba e parapravno arkakoro”.
Ko agor o Iriz ki maškarbutikerin e lokalno mediumeja ROMAPRESS prekal video materiali prezentiringe trin egzamplija tari komuna Šuto Orizari kola so prekal i parapravno arka e IRIZeskiri agorkergepe pozitivno olengere nijamutne problemija.
Dikhen o video..
Hazri kerga: Timi Roma Press
