Pelardo kher Romane jerijeskoro taro naroma save na kamena duz peste Romen

544

Na oficijalno akala trin dive aktuleno ko socijalna mreže, baši jek čipota  savi resarga ko javinake  arija ko Jurumleri ko jek gav tari dis Skopje.

Penđardoj tano savorenge adala so đjivdinena ki dis Skopje, aso akava gav Jurumleri taro but čirla đjivdinena ko akava than Romane jerije, numa đji akana asavke čipotake na sas šundo.

Na oficijalno prekal  fb statusija, i redakcija taro Roma Press resarga ko informacija baši akava kher so nane pelardo tare Komunnenge Institucija baši disavi dokumentacija, numa kerelapes lafi ki mangin thaj incijativa e korkoro dizutnenge save nane Roma, E Gađje na kamena duz  lende te đjivdinel Romani familija.

Thaj ki korkoro olengiri mangin vasteja ola ko javinakere arija peravge o duvarija  thaj o kher akale Romane familijako bi anglal te vakeren olenge  baši asavki buti so ka keren, jali te vakeren e familijake pe sostar von kerena asavko bangivalo kotor,  te kuven đjikaske ko privatno imoti thaj te pelarenole. Akava telal o kanonija e Makedonijako perela ko bangivalo kotor  thaj šaj te đjakerelpes asavke resarinake adelateskiri(sudsko)postapka.

Akanasaske  akala informacije ačhovena na oficijalno sa đjikote đji amende na resarela oficijalno informacija baši akava bangivalo kotor savo kergapes upral na došali Romani familija ko gav Jurumleri.

Hazri kerga:Nedmedin A.-Roma Press