Samka Ibraimovski maškar o đihanija ki Sutka, te iranel i pakhiv ko arakibaskere službe

592

Akala dive aktivno so  dikhelapes  prekal  o socijalna mreže tano o  Deputati Samka Ibraimovski, savo resarela ko dikhipe e đihanensar thaj kerela lensar lafi  pašheder sar te nakavelpes odova  so sa resarga ko paluno kurko ki komuna Šuto Orizari.

I pakiv valani te iranelpes taro đihanija  ki komuna Šuto Orizari, o čhačhipe te iklol ko diklo,  aso pohari te irana amari pakiv thaj mangin maškar sa e etnikane kedina, soske  amen savorensar đjivdinaja ko jekhajekipa.

Ko amaro telefonsko lafi keripe o rajo Samka I. Vakerga amenge so vov si svako dive e đihaneja thaj kamela  te iranelpes i pakiv ko institucije  thaj te muka ko vasta e manušenge save kerena akaja buti te ikaven i sasti čipota ko diklo, aso amen jekhajek te dikha sar tavdela i sasti buti e palune čipotaja, numa sar tej me sijum svako dive amare Romensar thaj ačovava olensar ko kontakti te šaj  te irana o normalnikano đjivdipe maškar o Roma, vakerela o Samka I. bašh Roma Press.