Teatreskiri performansa,, Sine kaj sine jekh Kujtim Pačaku”-Kumanovo

861

Bašh o sebepi  thaj o jubileji thar 30 beršengo buthi kheripe e Romane Teatresko  kotar o Prizren-Kosovo, ulavde thaj bare respektoja  bašh o manuš savo but berša denga pestar bari zor upar i Romani kultura, arakhipe i čhib thaj o teatro Kujtim Pačaku, leskere sajdibaske kelgapes teatreskoro performansi ani dis Kumanovo anavkerdo,, Sine kaj sine jekh Kujtim Pačaku” autori e performanesko thano Neđjip Menekše kotar o Kosovo aso realizacija kerga o Kaltrim Balaj.

O Teatreskoro performansi kelgapes erati ko Kulturako kher ano Kumanovo thar o 20:30 dakikija, aso o avibe e dikhibaskoro sas ko šukar nivelo.

O Kujtim Pačaku sine baro Rom savo kerla sasto đjivdipe buti pal Romengi dukh, thaj vazdipe e Romen ko sa e umala, bute beršengo žurnalisti, hramutno, aso o paluno vakti sas thaj politikano prestavniko e Romengoro andi Kosova.

E ikeribnaske akava baro sajdipe thaj 30 beršengo buthi kjeripe pal vazdipe o Teatro, pelo ko vas thar penđardi Romengi  Organizacija andi Utarali Makedonija,,Rušit Šakir” thaj olakoro presidenti  Samet Salievski ando Kumanovo.

Hazri kerga:ErđanM.-Roma Press