Biradjakiri Organizacija ,,Kham Sijan” – Skopje, avdive ikerkerela o dujto aktivno dive baši ulajba e maj tikore čavorenge gudlipaske paketija, thaj odova ko thana savende čačibnaske araklagovena Romane jerije fuhalibaske save tane mukle ki rig taro jek normalnikano opštestvo – sasoitnipe.
Avdive sijem ko amalikano bešibe thaj dikhibe e Romensar tari komuna Šuto Orizari, thaj o Romane jerije save sas bešle telal o baro pani ko Kale, aso akana tanarde ko upruno kotor tari Šutka ko sastrunale barake.
Amare vizitake ola đjanenaanglal amen te resa, sostar amen tradicionalno 7 to berš avaja đji olengere thana thaj ulavaja olengere čavenge tikore bakšišija anglal dođjakeribe o nevo 2019 berš.
Akava da fori amensar parneri o rajo Trifun K. savo svako berš kamela amensar te kera akava aktiviteti soske čačibnaske dikhela so akala tikore Romane čhave isi olen baro valanipe taro asavko tikoro numa olenge but baro bakšiši.
Po teleder dikhen o video
Hazri kerga: Neđmedin A.- Roma Press
