I Birađjakiiri Organizacija ,,Kham Sijan”- šovto berš tradicionalno anglal sakova nevo berš kerela humanitarnikano aktiviteti ulavibnaja e maj tikore čavenge gudlipaske artikloja, direktno đajbaja olenge ko kher thaj barabar olensar o Papu Pahu-Dedo Mraz.
Akava berš o Humanitarno karavani ka tavdel ko trin dive, thaj baši o avdisutno dive bari arka denga amen i Mami Trinet Constance thaj Marc Konstance- bute beršenge amala tari Organizacija ,,Kham Sijan” kaste isilen but bari pakiv.
Numa sar sakova berš but baro kotor taro akala aktivitetija učharelaleln thaj i korkorutni Organizacija.
Akava jekto dive taro karavani tavdingapes o aktiviteti ki komuna Šuto Orizari ko teluno kotor save tanende đjivdinena o maj baro kotor tari socijalno ekonomikani bilachi kategorija taro Romane đihanija ki Šutka.
Pobuter dikhen ko video.
Hazri kerga: Erdan M.-Roma Press
