Harne vakteske ka đjana so ka nudinipe amenge taro amare Romane plitikake prestavnikoja, ka đjana koj kasaja akana đjala ko kino bikinipe sar ka vakere ko pazari sijan thaj kuveja tuke diso te pazarine khereske.
Buti fori pucavaman šukar li sa akava so resarela ja palem na,Dji kaj e asavke e Romane politikakere partijensar. Gndinenali so valani sa akava haos te chinavelpes, thaj pali odova mate keren hojla kana e Roma vakerena olenge von SI sar Pleskavice.
Numa ki bari fuhal ačilum kana diklum lani o telal presidenti taro DSR bešena e ministereja baši andrune buka Oliver S. ki jek mesala biđjukoske 8 to aprili ko Gostivar, aso ko bali taro DSR o Presidenti bešela e Mickovskeja ki mesala, penava šukar e buka. Savo ka ovel o akanutno olengoro stavi te resargem ko Presidentska thaj Parlamentareskere Alusariba barabutne so keraja tadani?
Kana dikaja i aktuelno politika sar tavdela pali i Romani partija OPER na oficijalno savi ačavdi ki rig agaar vakerdo sar čhorolo čavoro savo mukenatut ki rig thaJ khoni na dikhelatut, sar ka ovel o kino bikinipe taro OPER ka sikavel amenge o vakti, ka dikha ačovenali ki Koalicija ja palem na, ka kerelpesli panda jekhfori tari šundi paramis ,,Lesi vračase kuči“ importatno oleske so tari akaja Rađja ni hari ni but resarga te čivel ki buti ko Vodovod pire manušna se odova te na kerel sas i Rađji olestar ka đjakerelsas but bare Protestija ko Skopje. Amari gnd te ačovena salde o Presidentska Alusariba čačibnaske sare ka bešen ko pumare thana,numa te ovela anglal vakteskere parlamentarna Alusariba e tadani isi so te dika.
Bašh o SRM olengoro presidenti vakerela puterde baši piro kino bikinibe ki politika thaj ni hari ni but,, Koj e na vlast jas sum so vas“ so pobuter valani te hraminelpes oleske kana vov iklovela thaj korkoro vakerela sa peske, na valani khoni aver oleske te komentirinel, sostar o manuš tano vizioneri anglal te registririnel pli partija SRM- but berša palal đjanga so ka meninelpes o anav e Makedonijakoro, thaj akanasaske maj importatno o GTC –iranelale ko ple vasta.
But si mange importatno kana dikava okola partie Romane save olenge vakerelapes olaj tane manuša korkoro ko partije, thaj but si importatno savo ka ovel o ikeripe vi tari Romani partija DPR, savo ka ovel vi lakoro kino bikinipe, ka rodelipe ko aver fori disavo bukarnipe korkoro pumenge ja palem akana ka iranen piri vizija ka roden diso e Romenge, sar tej e potikore partienge duri ko bare Koalicie na kerena lafi ola đjanena so i te delpes olenge ola ka keren odova.
Kana sijem ki Romani partija agaar penđardi maškae e Roma sar partija ROM, save partijate si đjenipa taro terne intelktualcija čačibnaske akanasaske na šungovela lengoro hango, đjanidor soj tane ki Opozicija, numa našti te vakerelpes na šukar bašhi i bute lengere đjenipastar ko Konsili e Dizjake Skopje, čat pat rodelapes diso.
Na oficijalno resaraja ko informacije sar Roma Press kerelapes jek bari bitka ko VMRO taro okola avera partije save Čat okolensar Pat akalensar, isi šajdipe e šukar politikani resarin te resarel ki Koalicija taro VMRO i Partija ROM soske čačibnaske bešla ko poro than, thaj ikergapes sar jek Romani Opozicijaki partija, numa nikana na đjanelapes ponodorik so ka ovel odoleske o vakti ka sikavel sa?.
Kana sijem ki Partija PCER, partija savi thani đjeni tari aktuelnikani rađji ki Makedonija , lakhe ka đjakerelpes pharo vakti te čačibnaske kergepes o Prezidenstka barabutne e Parlamentareskere Alusaribnaja, soske tadani fuhalibaske nane te nakhel ni jek berš taro Rađjalipa e partijako PCER savi pharipnaja đjakerga 8-to berš.
Numa odoleske o vakti sa ka sikavel, harne ka đjana savore so ka keren amare Romane politikake prestavnikoja ka đjan li ko aver fori rodipna individualnikane pumare jali, ka ovelen gnd te keren diso ko baro Pašhakeripe maškar sa e Romane partije, thaj te čhuden pumendar pumaro egoizam.
Hramimo: Roma Press
