Dikindoj ko agorutne nekobor bersha kote so o mangipa te kerelpe diso nevo ko romano dzivdipe bajrola ko nekobor segmentija ko Shuto Orizari. Palune bersha pohari ama sigurno romane chave sa pobuter taro Shuto Orizari hramome ko mashkarune sikljovne thaj uche institucije. Pohari ama sigurno romane chave but shukar adaptirinenape ko sasoitnipe (opshtestvo) save so avena taro Shuto Orizari.
Pobare politikane moknikkija save so koristinena o vladakere resursija sine avena tari Shutka ulavde akana kote so o primat lenalen avrijal taro Skopje ko centralno nivo ko kreiriba javna thaj lokalna politike. O NGO romano sektor savo so si najmokno najtakateja majbuter investirmo upri oleste thaj najbare kapaciteteja ko manushikane faktorija si avrijal taro Skopje ko cest taro nekobor save so si ko Shuto Orizari, numa si darhiencar avrial taro Skopje.
Ko akava momenti marelape epten ko nekobor struje taro Ngo sektorija koj te sikavelpe pobut bashi akanutno gavermento te shaj te oven popashe bashi interesija save so ka kerenlen pomokna odote palem nae manusha save so si si taro Skopje, Shutka.
Dali konechno trebno te keda hrabrost te vakera kaj o opshtestven potrebe thaj promene trebno te keren o Roma tari Shutka ko kaj o gnezdo si ki Shutka savi isila 40 ilade Roma pobut taro 60% taro sasto dzijani Roma ki Makedonija.
Nashti te len opshtestvena odgovornost bashi te keren shukaripa manusha save so na dzanena romane, dzivdinena ko pashibe kaj isi 10 khera Roma, dzi erati sine javera akana o momntumi si kaj isi interes ule Roma hem soj najtragicno mangena te ovem liderija ko opshtestvena promene te aven ki shutka A na dzanelalen ni jek ROM ili na odoka napadno dzanenalen salde Roma save so kerena lencar buti salde bashi khedimolo interes ko anava thaj dumo okole romenge so dzivdinena ki Shutka.
Dikindoj o nevo hali nesar fokusirisalilem ko lokalno nivo te maramen ki Shutka dzikote ko centralno nivelo muklem nesar o javera te krojnen amari jazija rodindoj amen lendar salde troshke ko baro kolachi so nesar e vladake pareste dzala te delinele.
Akava salde pocetok ko neshto so mora amen te smenina amen sar ko narativi ko rodiba thaj ko politichko participacija ko cetralno nivo hem te roda o Roma tari shutka te ova kotor taro procesija so kerena hem bashi Shutka hem bashi o Roma ki Makedonija. NGO romano trebno te fokusirinelpe pire programe te oven kerde kote so ka ovelen impakt e romen tari shutka ko aniba po seriozna dekretija korkor peske .
Hem trito najvazno amen ar Roma tari Shutka mora te smeina o mentalen sklop te shaj keraja pobut amendar te la o piedestali taro manusha save so si ki komotno situacija thaj kreirinena amari jazija ki Makedonija. Pohrabro ko rodiba, tire nijamija sar thaj mariba bashi te dobinelen !!! Sali
