Bersh palo bersh o Roma Truba Fest ko Kumanovo lelja baro than ko atraktivno prezentiribe i romani muzika ko ućho nivelo.
Akava berś o Roma Truba Fest pherela 18 berś taro oleskkro tradicionalno ikheriphe sar festivale saveste lena than taro sasto balkani e maj pindarutne duvacka orkestrija thaj angli publika sikavena poro profesionalno bashalipe.
Bash akava bersh o Roma Truba Fest- 2023 ikersalilo duj dive, ano avgo dive sar specijalno misafiri e rakjake lela than o pindarutno gilavutno Adil Maksutovik.
Dikhen video link taro avgo dive..
Palo sukar nakavdo avgo dive kaske dengapes thaj śukrinkeripe(blagodarnice)lejbaske than ko festivali, o ulavibe thaj baro ovensaste nakhla prekal o Presidenti thaj organizatori e manifestacijake Samet Salievski.
Tajsuno dive ikergapes o dujto di taro festivali ,. Roma Truba Fest” thaj dikhlepes thaj śungepes panda star orkestrija(bendija), aso sar specijalno misafiri e dujtone rakjake pere gilencar anglal o dizutne gilavga i pindarutni Makedonijaki gilavutni,,Silvi bend”.
Dikhen video linko taro dujto di..
O Avibe taro dizutne e dizjake Kumanovo thaj avrik olatar vakerlapes so resarga pase taro bish dji ko bishupandj milja manusha.
Roma Truba Fest- 2023 bersh tano organizirimo telal organizacija,,Ruśit Sakir” lingardo telo o vas taro Presidenti Samet Salievski thaj oleskkro timi.
Finansijako dumo sa ikherdo taro Ministeriumi bash i kultura, Komuna-Kumanovo peseskere śerutneja sar thaj o sovet e komunako, medijako ućharipe e festivalesko nakhla taro timi Roma Press.
