Khi Belgisko diz Anderleht taro 19 januari dži ko 17 fevruari akava berš ka ovel ikerdi piri individualno artikano – izložba taro oleskere dži akanutne neve nahavljarde artiklia.
O pendžarutno Romano umetnikano savo akana dživdinel em buti kerel ki Belgia o Durmiš Kjazim o nevo 2019 berš leske tavdela bare sukceseja.
Oleskiri profesionalno kariera taro berš ko berš džala ki bari progresivno buti thaj sa leskere aktivitetija sikavena ole ko agor so pendjarela piri buti perfektno artikano thaj but profesionalno.
Savore djana bashI i izlozba savi ka nakhela ko baro ucho nivelo, thaj pali odova mangaja oleske thaj pobuter aavke resarina, savensar sikavela o baripe thaj djandipe e Romengoro ko jek but profesionalno buti keripe.
I redakcija taro Roma Press mangaja oleske lokhi buti thaj sukar avibe taro manusha ki leskiri izlozbenikani prezentacija.
Hazri kerga: S. Abdula –Roma Press
