Šurakergja o siklojbaskoro 2019/2020 berš bašho neve 20 mile avgo sikle ki R. Utarali Makedonija

107

Šhurakergja o avgo siklojbaskoro dive ko sikljobaskoro 2019/2020 berš.Ministeri bashi edukacija thaj nauka Arber Ademi akhargja e šerutnen thaj e sikavnen ko fundavo thaj maškarune siklane te hazrkerenpe bašo o avgo siklojbaskoro dive, odoleske soske, sar so vakergja, i edukacija e siklengiri na tromal te ovel la ačhoviba, a paluneste na kamlape te mukelpe te oven razocharime o avgo sikle kola so avgo drom ka bešen ko siklanakere thana.

O Ministeri isto agar dengja ki gnd kaj o nevo siklojbaskoro berš ka šurakerel e neve Kanuneja basho fundavno educiriba thaj e Kanuneja bašo sikavne thaj stručna maškarbutikerutne, kola, sar so vakergja, si fokuseja baš ko karierakoro bajroviba e sikavnengoro thaj bašo olengoro soodvetno anglutkeriba ko kanuneskete skale.

Ko pučhiba bašo o havlardo štrajko taro SONK o ministeri dengja đevapi kaj na ketelape štrajko kana isi decizija baši pobari plata.

– Nane sebepi bašo keriba štrajko. Me sajdinava o nijami bašo štrajko, numa amaro si te da akcenti kaj nane zaririn taro štrajko. Štrajko organizirinelape ko šartija kana nane halojbe. Amen nudinaja thaj isiamen halojbe bašo poučhe plate, vakergja o Ademi.

Ov mangla sukcesivno siklojbaskoro 2019/20 beršh sa e siklengje.

Akava bersh basho avgo drom ko siklanakete bešhlarina ka beshen 20 mile avgosikle. Olenge akala pakjalape ka oven o hem bahtale divesa ko đzivdipa.

Maškar olende, akava berš edukacijaja šurakerena thaj 260 mile fundavna thaj maškatune sikle.

O Celo timi taro Romano portali RomaPress mangaja sukcesivno siklojbaskoro berš sa e Romane siklenge.

 

Hazri kerga:Erđan M.-Roma Press