Согласно со одлуката на Владата 14 и 15 февруари ќе бидат денови на жалост во знак на почит кон загинатите патници во автобусот кој доцна попладнето се преврти на автопатот Скопје-Тетово. Вкупно згрижените 37 лица во ГОБ „8 Септември“, четири се во критична состојба, а сериозна е и состојбата на уште двајца повредени кои се хоспитализирани во Ургентниот центар. Седум лица го загубиле животот на самото место на несреќата, а другите седум им подлегнале на повредите. Бројот на жртви се искачи на 14.
Pali eratutno sobrakanikani Avtobuseskiri bi bah savi kerdili ko dromaripe Skopje-Tetovo, manušikano đjivdipe našavge 14 manuša aso 6- thane but phare ačhovibaja ko takati, aso pobuter taro 30 nakle kuvde ki akaja tragedija savi resarga ki Makedonija.
Erati ko rakatutne arija i Rađji ko sig vakti sinela ikerdi sigarutni bešin thaj jeke hangoneja ange paluno lafi baši o dive 14 thaj 15 Fevruari te ovel Dive bašhi Fuhal ki Makedonija bašh našavde manušikane bedenija.
Taro resarde 37 manuša save nakle kuvibaja thaj ande ko hospitali 8-to Septemvri, štar olendar thane i ponodrig phare ikeribnaja ko đjivdipe, aso serioznikane isi panda duj manuša jekhajek save sas hospitalizirime ko Urgetnikano centrumi ko Skopje.
O anava taro mule 14 manuša panda nane vakerde soske i ponodorig kerelapes identifikacija upral olende taro Instituti e adelateskere medicinatar.
Penđardoj tano ko Aftobusi sas 51 manuša save tavdinga lengoro dromaripe tari dis Skopje ko 16:15 dakikija, aso sakana ki akaja relacija maj but isi manuša save kerena buti ki administracija thaj studentija, thaj o agor e dromaribaske valanga te agorkerel đji kid is Gostivar.
E paluno informacie taro port parole e Andrune bukenge informirinela bašh o šoferi jekhajek araklagovela ko hospitali , numa oleskoro sastipnaskoro ikeripe tano ko šukar takati.
Detalnikane informacija sar resargapes đji ko sa akava, ka valani te ađjikerelpes o vahtavi taro diklodošhakerdo (obviniteli) thaj o procesi tare adelateskiri medicina.
Hazri kerga: Nedmedin A.-Roma Press
