O nakle deš dive ani dis Skopje kerlapes hazri šoua tar penđarde muzikane bendija orkestrija save akava berš sas aktuelno ano sa e Romane bijava thaj zabave save kernapes ano sasto Balkani numa vi buvle ano Sumnal.
Sa e penđarde gilavutne maškar e Roma akanansaske šhaj arakenalen ani komuna Šuto Orizari thaj odova Ahmet R.Ramko,Đemail, Bernat,Tarkan, Ervin,Sunaj,Đefrina,Šero, Ašmet, Roki thaj sa okola save si maškar e Roma penđarde gilavutne, akanasaske tane angazirime ano bendenge šoua save kernalen baš nevo berš thaj, sa e neve gilja olengere ka ovel tumen šajipe te šunen olen ano nevo 2020 berš berš ko youtub thaj ano Romane medie.
But tar sa akala gilavutne kerna video thaj reklame baš olengere angazmanija savende ka oven šunde thaj dikle palo nevo berš ano amare penđarde muzikane ,,Romane Balija” save kernapes ano Skopje thaj akale berseske havlarde thane duj, jekh telo vas e partijako ,,Sojuzi e Romengoro” tar Amdi Bajram aso dujto tar ,,Roma pašakerde” telal o vas tar Erđan Selimi.
Akala si ano momenti aktuelno teme lav keribnaske thaj hazr keribe maškar e Roma ano akanutno vakti.
Salde jek informacija te ulava tumensar tar bendija thaj orkestrija agorkerde soua tane hazri tar Enerđi bend, Đipsi bend thaj panda but avera, aso erati agorkerdo šou kaske but kerelapes lafi so nakla ano but šukar snimibe tar sa e neve gilja tar gilavutne tar Južni Ritam.
Daja tumen nekobor fotija save resarge đi ani amari redakcija.
Hazri kerga: Neđmedin A- Roma Press
