Avdive kana i bavlal phudela zoraleste,sarine andinaja, so adaja nane e evendeskiri shudri bavlal, adaja si i bavlal bashi amaro trampiba,trampiba e dzianeskoro kova so rodela trampa mujal o sumnal. I karma e dzivdipaskiri nane sakana tati dzivdin so dzivdinela ani «chachikatutni demokratija» kote so sarinen amen sijem jekutne, i lipardin si savorenge jekh ka jekh thj si arakli taro okola butdzhenipa. Pobut nashti prifatinaja so amare manusha si paldime, mudarde bizo adalateskoro niami,nashti pobut te prifatina diskriminatorsko sistemija kola so dena prioriteti sa okolenge, a akatar amange e romenge si chinavde tari sakoja rig.
Amen taro sakona vakti sama sa robora, target bashi bilachipa, manipulacije, votora kola so si izvori bashi nekaskere fotelje thaj bankovna saldija.
Kharna sem numero kola so si sar shahovsko pionia, na sijem marionete kola so ka animirinen o kapricija tari lukrativno khelin okolengere kola so si sherutne upreder amende.
Sa si programirimo, sa si orkestar, sa si finasirimo, na dzanava sar te vakerav, numa dikelape so chivena amen jekh upro jekh, sar politichko partije sar religiozna kupe,sar ko anav amaro kova so si ano sasto sumnal diferetno mashkar amende thaj mashkar o gadze. Dzi kote na daja zori, sal jek tikni kupa ka moren pire vasta, a odova si okoja destruktivnikano zorin.
Dzi kote panda dikaja diferencija koj ki savi religija preperela, savo anav piravela jali si Rom, Zhitan, Sinti… ka khela i ponaodori i khelin e bilachipaskiri.
Ki gnd sijum kaj o 2019 bersh ka ovel bersh kote so zorale ka sikava amaro jekutnipe, thaj akava bersh ka ovel romano bersh bashi progres mujalipe e anti romane politikake na sal ki Makedonija numa ano sasto sumnal.
Mangava bahtalo nevo 2019 bersh savorenge kas so isi jekhutne idealija bashi amaro lipardipe, zoralipe thaj kontra maribe bashi amaro jekhutnalo romanipe.
Me sijum bashi akava , a TU?
Mozes Solomon ( Muhadjer Sulejman)
avrik olatar.
