Samir H. Savo na dikhela so duje jakhenar tavdinga te kerelpes oleske pošukar uslovija đjivdipnaske

1279

I media Roma Press,  anglal trin čhona kerga jek đjivdibnaskkri ,,Storija” baši  o Samir Halim, dizutno tari komuna Šuto Orizari, čavoro jetimi savo bajrovela bizi Daj thaj bizo Dat, tane 100 procentija hendikep ko jakha thaj na dikhela,  aso piro edukacijako siklovipe đji kaj tano tikno agorkerelale ko domi  baši jetimija čavore.

O  Samir  Halim  agorkerela fundavni siklovni,  maškarutni siklovni thaj akana tano hramimo ko jekto berš fakulteti baši  socijalno buti kerutno.

Agar tavdinga amaro lafi keribe oleja, mangipaja te vazda o interes  maškar amaro Romano đihani te šaj te den arka akale  jetimi čaveske, Maj anglal sas amenge šukar so resarga  akava amaro artiklo đji ko valanutne manuša e komunakere  thaj lakoro šerutno Kurto D.-Kuco,  ake duj čhona mukela ki smeka e Samireske po 6.000 milja denarija sar stipendija baši leskere phare đjidvipaske.

Ko sig vakti  leskoro  jeri astargepes te den arka e Samire,  thaj ko amaro  telefonsko lafi keribe  leskere kakoja Turkijan,  informiringa amen  maj anglal but bare oven sastipnja đji ko RomaPress,  thaj denga amen lafi sig ka hulel ki Šutka thaj maj anglal ka astaramen  hari barem, te kera oleske normalna uslovija đjivdipnaskere, na sar adala so sinele đji erati.Amari buti thaj dikhipe sar đjala o đjivdipe e Samireskoro, na ačovela akate dive pal dive  vazdaja i sama ( svest) ko manuša te den  arka ko šukar Romano intelektualco, savo isile but bari mangin te agorkerel poro fakulteti, thaj te ovel arka pire Romane đihaneske.

Numa ole isile thaj jek but bari mangin, kana  ka rešinenpes akala oleskere supstandardna  šartija ( uslovija ) đjivdipnaske, rodela  arka te pergovel leskoro paluno suno te resarel  đji ko than ki Meka te kerel jek vizita  đji ko poro pejkamberi Muhamed a.s.

Ko teluno linko  dikhen o artiklo savo kergem ole ko kher e Samireskoro.

Hazri kerga: Nedzmedin  Abdula -Roma Press