Само пет проценти од Ромите се трајно вработени, 80 проценти се функционално неписмени, три до пет илјади се правно невидливи. Според неофицијални податоци, околу 20,000 Роми живеат во Ниш, од кои скоро 90% се без постојан работен однос. Иако постојат афирмативни мерки за вработување, сепак нема работа. Овој придонес беше создаден во рамките на проектот Ромски жени во Србија – живот зад (не) видливи зидови поддржани од Министерството за култура и информации. Ставовите изразени во поддржан медиумски проект не ги одразуваат ставовите на органот за доделување награди.
Šerutno problemi taro Romano nacionako minoriteti kova ulavi avere manušhencar taro Nišhi, soj tane bizi buti. Ko Nišhi oficialno đjivdinena 6.996 Roma thaj Romnja jek tari olende em i Anđjela Sulejmanovičh , taro bešhipasko than Crvena zvezda thaj oj rodela buti te kerol.
Me sijum Andjela Sulejmanovičh đjivdinava ki familija mle duje phenjencar, phraleja, dadeja mle dajaja thaj mle ćhaveja. Keraja buti me hem mlo phral, mo phral kerela buti sar moleri, mo dad da kerela savina buti, numa khoni naje ole buti za stalno. Mange bi ovolaj but importantno te ovol ma buti bašho stalno sebepi taro mlo čhavo.
Me korkori arahava me čhave, ko agorutne 5-6 čhon kerava buti, akana da kerava buti numa odova naje stalno, mange e buti but importantno.
Javinava pe ko biro but droma đji akana, on phendje mange kaj on ka akharen man, ka bičhalen nesavo lil, numa khanči panda.
Tari Nacionaki služhba bašho keriba buti Filijala ko Nišhi, phenena kaj e Romenge ažhutinolpe prekalo programi bašhi korkori buti te phraven disavo biznis, numa o gendo taro manušha bašho akava biznis naje baro. Gendo taro Roma kola javinena pe ki akaja služhba taano 2 milje manušha, tari olende 40% tane đjuvlja.
Ako keraja lafi taro Nacioanko plano bashi buti, o Rroma tane pendjarde sar kategorija taro manusha kola po phare khuvena pi buti, thaj odova dikhipa tari pozitivno diskriminacija, odova sikavi kaj o Roma šhaj lena thaj ko bilo save amare programija.
Isi amen em aver konkursi basho Roma, kla mangena te keren korkore buti sar jek biznis. Akale beršheste Nacionaki služhba bashi buti dol po 200 milje dinarija, akale beršheste sine po buderi interesuipa, akava beršh sine 15 đjene, 11 tari olende lilje ažhutipa. Akava beršh o gendo po baro, đjikaj okova beršh sine 9 đjene a salde 6 lilje azhutipa, phenol Vladan Krstišh tari Nacionaki sluzba bašhi buti.
Ko Forutno kher ko Nišhi Darko Bulatovich šherutni taro Foro, ramosardja memorandum e Fondeja bašho sikljovipa bashi realizacija taro projekti „Po kolaj te khuven pi buti o terne Roma thaj Romnja“.
O Foro Nišh khuvela ko šhuar programija, kana kerol pe buti ko pošhukar than tar jek kategorija manušha. Akana ka ramosara memorandum bašho sikljovipa thaj khuviba ki buti taro terne Rroma thaj Rromnja taro Nišh. Ko agoritne tri beršh o Foro kerđja but bušha em dinđja thajra-saja taro plo buđjeti bašho stipendije thaj te kerol pe Romano kulturako centro, prekalo Lokalno akciono plano bašho Roma.
Numa valjanol te konkurišhinipe ko but avera programija, odova sikavi em akava da programi kote kereja baripa, thaj adjkeraja šhukar rezultatija, vakerdja e Tijana Djordjevich Iličh- forutno večhniko.
Akaja tani dujto faza taro programi, e angluni faza sine ko 2018 berš. Ki angluni faza ko Nišhi podikerdilo 45 terne Roma kola startuindje angluna praksaja ko Aster, thaj 37 nakhlje stručhno đjandipa. Taro odola 45 kola sine olen praksa, 18 ačhile pi buti, ki Srbija 148 terne Roma thaj Rromnja lilje buti, phenol e Natašha Kočhich Rakočhevičh programsko šherutni ko REF. Andjela Sulejmanovičh, phenol kaj sine ola obuka prekal o REF, numa oj tani panda bizi buti!
Roma Press-lendo tar http://romaworld.rs/
